Марий Элыште республикысе оборонно-массовый да военно-патриотический паша месячник тӱҥалын.
Тений тудо Россий историйыште шарнаш кӱлмӧ дате-влаклан пӧлеклалтын: Ленинград блокадым кӱрлмылан – 80 ий, Афганистан Республик гыч совет войскам лукмылан – 35 ий.
Йошкар-Оласе самырык-влак полатышке месячникым торжественно почмашке республикын тӱрлӧ районжо гыч ӱдыр-рвезе-шамыч толыныт. Молгунамсе семынак нунылан специализироватлыме технике ончерым чумыреныт. Толшо-влакым Марий Элым Вуйлатыше Ю.Зайцев саламлен. Тыгак «Элнан геройжо-влак» проект почеш эртаралтше Юл кундем федеральный округысо эн сай военно-патриотический объединений конкурсын регионысо этапыштыже сеҥыше-влакым саламленыт.
Д.Речкинын фотожо.