23 январьыште Марий Элыште оборонно-массовый да военно-патриотический паша месячникым почмо.
Тений тудо Ленинградысе блокадым кораҥдымылан 80 ий да Афганистан гыч совет войска-влакым лукмылан 35 ий теммылан да специальный военный операцийын участникше-влаклан пӧлеклалтеш. Тыгодым 50 утла мероприятийым палемдыме.
«Самырык тукым мемнан элнам аралыше геройна-влак деч примерым налже, тиде моткочак кӱлешан», – каласен Марий Элым Вуйлатыше Ю.Зайцев.
Ты кечылаште тӱрлӧ район ден олалаштат, школлаштат тыгай мероприятий-влак эртаралтыныт.
Фото: ВК-ште Дворец Молодежи тӱшка гыч.