Морко район Шордÿр ялыште илыше Валентина Петухова кажне ийын колхозын пуымо мланде пайын ик ужашешыже кавуным шында. А шыжым кавун лектыш озаватын веле огыл, кажне еҥын кумылжым нöлта.
– Ме кавуным ий еда шындена. Тыге пасулан шÿкаҥаш огына пу. Вет кавун шÿкым пеш вашке «темдалеш». Тений ик тележкат пеле лектыш лие. Кавун гыч телылан сокым, немырым ыштена. Олма дене йöре але тугакат ышташ лиеш. Тыгак кавуным тÿрлö шÿрашан пучымышым, когыльым ямдылыме годым кучылтына. Нöшмым коштена, кочкына. Кугезына-влак ожнысек тыгай сийым йöратеныт, тудын пайдале улмыжым паленыт, – ойла Валентина Артёмовна.
ФОТОШТО: В.Петухован тукым шÿжарже Светлана Васильева.