Кевытлаште кочкыш ситышын лийже манын, Российысе аграрий-влак пасу пашаш лектыныт. Нунын нерген «#мыдлявасбезвыходных» хэштег дене шӱдӧ дене видеоролик ден фото-влак Интернетыште улыт.
Шуко регион ӱдаш ончылгоч лектын. Краснодарский крайысе пасулаште кечшудым ӱдат, у виноградник-влакым ямдылат. Йӱдвел Осетийыште пареҥгым шындат. Тверской областьыште тений 900 тӱжем гектар мландыште шурным, кургылыкым ӱдаш, пареҥгым шындаш шонат.