Шочмо элым аралыше-влакын ешыштын комитетыштым ыштымылан шукерте огыл кум ий темын. Тудым салтак-влакын аваштын темлымышт почеш ыштеныт.
Ты жапыште Комитет специальный военный операцийын участникше-шамычлан да нунын ешыштлан кугу эҥертышыш, калык да кугыжаныш коклаште кылым ыштыше звенош савырнен.
– Комитетын активистше-шамычлан тыршен пашам ыштымыштлан, тӱткӧ да чолга лиймыштлан тауштем. Тендан пашада Шочмо эл верч шогымаште – кугу пример, салтак да нунын лишыл еҥышт верч тыршымыда кугу пагалымашым сула, – ойлен Марий Элым Вуйлатыше Юрий Зайцев.
Марий Элым Вуйлатышын пресс-службыжын фотожо.