10 ноябрьыште Марий Элысе МВД-ште Российысе Элгӧргӧ паша орган пашаеҥ-влакын кечыштлан пӧлеклалтше пайрем эртаралтын. Тушко республикым Вуйлатыше Ю.Зайцеват миен.
Юрий Зайцев МВД пашаеҥ-влакым саламлен да калыкын лӱдыкшыдымылыкшӧ верч, осал пашам чактарымаште тыршымыштым палемден да порысым шуктымыштлан тауштен.
– Чылалан пеҥгыде тазалыкым, чыла сайым да неле, но кӱлешан пашаштыда сеҥымашым тыланем! – награде-влакым кучыктышыла каласен Вуйлатыше.
Марий Элысе элгӧргӧ паша министр А.Вырвич тыгак пашаеҥ-влакым саламлен да задачым шуктымо годым кугу профессионализмым ончыктышо-шамычлан ведомственный наградым кучыктен.
Марий Элысе МВД-н пресс-службыжын колтымо фото.