Мобилизоватлыме пашаеҥ-влак паша праваштым палышаш улыт.
Мобилизаций почеш военный службым мучашлыше пӧръеҥ-влак пашам темлыше дене паша договорым, пӧртылмекышт, кум кече жапыште уэш ыштен шуктышаш улыт.
2022 ий октябрьыште РФ Паша кодексыш пуртымо вашталтыш-влак вийым налыныт. Тушто мобилизоватлыме еҥ, доброволец, контрактник-влак дене паша кылым ыштыме нерген умылтарыме. Правил-влак дене келшышын:
Россий Вооружённый Вийыште службым эртыме жаплан паша вер аралалтеш, но паша договорын действийже жаплан чаралтеш;
мобилизоватлыме пашаеҥын службышто лийме жаплан пашам темлыше тудын олмеш вес еҥым налын кертеш;
пашам темлыше мобилизоватлыме еҥ дене договорым кӱрлын огеш керт, тидым организацийым ликвидироватлыме, ИП-ым петырыме годым але срочный паша договорын жапше лекмеке гына ыштен кертеш.
Договор мобилизоватлыме еҥын пашашке пӧртылмӧ кечынже уэш ышталтеш, тидын нерген вуйлатышылан кум кече жапыште шижтарыман. Тидыже обязательный социальный страхований почеш страховой обеспеченийым налашат кӱлеш. Мутлан, больничный кагаз почеш выплатым налаш.
Больничныйым налме кечылан айдеме пашам темлыше дене паша кылым уэмден ок шукто гын, электронный больничныйже огеш тӱлалт, молан манаш гын страховой обеспеченийым налаш праваже йомеш.