– РФ Паша кодексын 142-шо статьяж дене келшышын, пашадар 15 кече утла огеш тӱлалт гын, пашаеҥ пашадарым тӱлымӧ марте пашам ыштымым чарнен кертеш, но тидын нерген пашам темлышылан кагазеш возен шижтарышаш. А моло оксам (мутлан, отпускнойым, больничныйым, производствышто несчастный случай лийме годым йомдарыме пашадарым да молым) кучымо годым пашаш лекде ок лий.
Тыгак пашам ыштымым чарнаш ок лий:
чрезвычайный положений нерген законодательстве дене келшышын, военный, чрезвычайный положенийым але вес мерым пуртымо жапыште;
РФ Вооружённый Вийын, моло военный, военизированный орган ден организацийлаште, эллан обороным обеспечиватлыше да элыште лӱдыкшыдымылыкым ыштыше, аварийно-утарыме, кычалме-утарыме, пожар ваштареш кучедалме пашам шуктымо, стихийный бедствийым чактарыме але ликвидироватлыме организацийлаште, правам аралыме органлаште;
кугыжаныш служащий-влаклан;
поснак лӱдыкшылан шотлалтше производствым, оборудованийым обслуживатлыше организацийлаште;
еҥ-влакын илышышт дене кылдалтше пашам (энергообеспечений, отоплений да теплоснабжений, водоснабжений, газоснабжений, связь, вашкеполыш станций) шуктышо еҥ-влаклан.
Пашам ыштымым чарныме жапыште пашаеҥ паша жапыште паша верыш лекде кертеш, умылтара Марий Эл Республикысе прокурорын полышкалышыже Ольга Лаптева.