Марий Элыште чодырам тул ваштареш кучедалме паша тачысе кече марте шуйна. Чодыран тулеш эҥыше кумдыкшо ончычсыж семынак — куд гектар.
Палемдыман, чодыра пожар кызытлан уке. МЧС-ын вийже дене Шап ер, Студёнка да Сосновый Бор воктене утларак пашам ышталтеш.
Тылеч посна авиаций «Вятка» федерал кугорно мучко торфан купыш да купаҥше верыш кӱшычын вӱдым кышка.
30 августышто ик МИ-8 вертолёт гына 16 гана 48 тонн вӱдым кӱшычын кудалтен. 20 август гыч чылаж 527 гана чоҥештенэртарыме — 1719 тонн вӱд дене чодырам нӧртымӧ.
Чодырам йӱлымӧ деч эскерыза!