Марий Турек районын прокуратуржо пенсионерын пенсий праважым пудыртымым терген.
Пӧръеҥ 1975 ий июль-августышто да 1976 ий июль-октябрьыште Киров областьысе совхозышто пашам ыштен. Но ты жап паша стажышкыже пурталтын огыл. Амалже: архив документлаште персональный данныйжым тичмашын огыл ончыктымо. Прокуратурын ушнымыжлан кӧра пӧръеҥын совхозышто пашам ыштыме жапшым паша стажыш пуртымо.