29-31 январьыште «Казань Экспо» выставке рӱдерыште «ТатАгроЭкспо» выставкыште агропромышленный комплексын паша лектышыжым ончыктымо.
Тушко Российын 35 регионжо гыч 253 компаний ушнен. Выставкыште ялозанлык техникым, оборудованийым, вольыкым ончымаште, кушкылым куштымаште кучылтмо сырьём, переработкым ышташ изделийым да молымат ончыктеныт.
29 январьыште Марий Эл гыч тушко делегаций миен коштын. Участник-влак у ялозанлык технике, оборудований-влакым ончен лектыныт, мланде паша, вольыкым ашныме, ветеринарий, машинно-тракторный паркым уэмдыме дене кылдалтше «йыргешке ӱстелыш» ушненыт.
