Парымет тӱлӧ, уке гын…

Йошкар-Оласе Суд пристав-влак ден Госавтоинспекцийын еҥышт рейдыш лектыныт.

Оласе уремлаште автотранспорт-влакым тергыме годым инспектор-влак маршрут таксим шогалтеныт. Шофёрын 40000 теҥге парымже лийын. Машинам арестоватленыт. Лишыл жапыште парымым огеш петыре гын, автомашинам поген налыт да ужалаш колтат.

Тылеч ончыч суд пристав-влак мӧҥгыжӧ ик гана огыл миеныт, повесткым колтеныт, но пӧръеҥ шылын.