Налог да страховой взнос шотышто парымым иземдаш манын, налоговик ден суд пристав-влак Госавтоинспекцийын пашаеҥже-влак дене пырля рейдыш лектыт.
27 октябрьыште парыман автомашина оза-влакым Волжск олаште кычалыныт. Тидлан «Дорожный пристав» аппаратно-программный комплексым кучылтыныт. Тудо эртен кудалше машина-влакын номерыштым «лудеш» да суд пристав-влакын базышт дене терга. Тыге 109,6 тӱжем теҥге парыман еҥым кученыт. Парымым пӧртылтымӧ шотышто пунчалым шукташ манын, автомобильым арестоватленыт да стоянкыш шогалтеныт.