2025 ий 1 ноябрь гыч Российыште еҥ-влак деч парымым кӱрын лукмо шотышто у правил-влак илышыш шыҥдаралтыт.
Икмыняр категорий парымым судыш пуымо иск деч посна налоговый органын пунчалже почеш тӱлыктен кертыт. Тышке 3-НДФЛ декларацийыште ончыктымо, тыгак транспорт да пого шотышто налог-влак, нотариально пеҥгыдемдыме сделкым ыштыме обязательствысе (займ, кредит, расписке) парым пурат. Ондак кеч-могай парым шотышто судын пунчалже кӱлын, ынде нимогай кокытеланымашым лукдымо парымым вигак должниклан возен колташ тӱҥалыт. Тудым ФНС сайтыш, Госулуго порталыш да заказной серыш дене колтат.