Нацпроект
Тений «Формирование комфортной городской среды» проект дене Йошкар-Олаште Каныме да тӱвыра рӱдӧ паркын кечывалвел-касвел ужашым сылнештарат.
Тыште спорт площадкым ыштат, асфальтым шарат да изирак архитектурым вераҥдат. Кызыт подрядчик мланде пашам шуктат. Сандене тӱҥ аллейысе тротуар гыч Пушкин урем могырышкыла корным петырыме.
А 2022 ийыште вершӧрым моторештыме шотышто 12.gorodsreda.ru сайтыште 30 май марте йӱклыман. Тушто 19 вер темлалтеш. Эн шуко йӱкым погышо кумдыкым федеральный окса дене ачалат.