14 майыште Марий Элым Вуйлатыше Ю.Зайцев «Троллейбусный транспорт» ГУП-ын пашаж дене палыме лийын.
Паша лектыш да план нерген предприятийын директоржо Сергей Деряев каласкален. Предприятий 11 троллейбус ден 10 автобус маршрутлам обслуживатла. Кызыт тидлан 105 троллейбусышт да 90 автобусышт уло. Кажне кечын 55 тӱжем наре пассажирым шупшыктат. Тыште 700 наре пашаеҥ тырша, тышеч 250 еҥже – водительлан. 2023 ийыште 14,6 млн пассажирым шупшыктымо.
Вашлиймаш годым палемдыме: предприятийын подвижной составшым уэмдыман, инфраструктурым вашталтыман, посна кумдыкышто автобусный паркым чоҥыман да тудлан у оборудований-влакым налман. Тыгак пашадар, пашаеҥ-влаклан моло полыш, материальный базе да эше икмыняр тӱҥ йодыш шотышто каҥашыме.
Ю.Зайцев предприятийлан дотацийым пуымо, республикысе казнашке кусарыме, сандене тудым арален кодыман манын. Тыгак троллейбусный паркын пашаеҥже-влаклан тауштен.
2024-2025 ийлаште подвижной составым уэмдаш кугыжаныш контрактым ыштыме. Инфраструктурный бюджетный кредит дене 5 троллейбусым налыт.
Тыгак Марий Элым Вуйлатышын мутшо почеш, федеральный полыш дене 2030 ий марте 90 троллейбусым налме йодыш ончалтеш. Тыгай йӧн денак 160 автобусан лияш шонат. Тунам автобусный паркыште 250 единице пашам ышташ тӱҥалеш.
