Кужэҥер район Кожласола (Мари-Олма) ялын эргыже Родион Волков Санкт-Петербургысо С.М.Будённый лӱмеш военный связь академийыште тунемеш. Тений тудо нылымше курсым тунем пытара. 9 Май пайрем кечын марий рвезе академийын чапшым арала да Москосо парадыште строй дене кокымшо гана ошкыл эрта.
«2019 ийыште академийналан 100 ий темын ыле, сандене 2020 ийыште парадышке участвоватлаш миенна. Тиде мыланна моткоч оҥайын чучын. Тенийже огыт ӱж, шоненна, вет тылеч ончыч академийна тушто лийын огыл. Но вучыдымын писын гына погынаш кӱштышт да Моско кундемыш наҥгайышт», – каласкалыш Родион.
Академийын студентше-влак 27 март гыч Моско областьыште илат да кече коден, Алабино военный полигонышко кудалыштыныт. Кодшо кечылаште Парадын репетицийже-влак Йошкар площадьыште йӱдым эртаралтыныт, а таче, 7 майыште, генеральный репетиций лиеш.
УМБАКЫЖЕ — «КУГАРНЯ» газетыште лудса.