Парадыш 1700 утла еҥ ушнен

И.Речкинын фотожо.

 

Сеҥымашлан 78 ий темме лӱмеш эртарыме парадышке 1700 утла еҥ ушнен.

Рӱдоласе площадьыште Йошкар-Оласе гарнизонын сарзыеҥже, Военно-морской флотын технический базыжын, Марий Эл Республикысе Элгӧргӧ паша министерствын, Наказанийым шуктышо федеральный службын, Росгвардийын, МЧС-ын, Судебный пристав-влак федеральный службын регионысо управленийлажын пашаеҥышт, «Союз десантников города Козьмодемьянска и Горномарийского района» мер организацийын еҥже-шамыч, кадет ден юнармеец-влак, Столичный бизнес-колледжын курсантше-влак, Кугыжаныш да муниципальный службын колледжшын тунемшыже-влак ошкыл эртеныт.

Парадым III степенян Кутузов орденан Киево-Житомирский ракетный дивизийын командирже полковник Олег Тетеркин вуйлатен.

Варажым рӱдӧ уремлаште сарзе технике кудалын эртен. Нунын коклаште раритетлан шотлалтше «Газ-66», тыгак противотанковый «ЗИС-3» пушко, кызыт элым аралымаште улшо «ЯРС» комплекс лийыныт.