Волжский район Нурмучаш ялыште верланыше «Чоткар Патыр» историй да тӱвыра комплексыште памашын тӱжвал тӱсшым вестӱрлемденыт. Йогын вӱд «Йӧратымаш да ӱшанле улмо памаш» лӱмым нумалеш.
Верысе калык памаш вӱдым кундемыште эн яндарлан шотла. Тудын эмлыме вийжымат палемдат.
Тысе активист-влак да карт Аркадий Фёдоров памаш йыр верым эрыктеныт, тавылан пурам да левашым чоҥеныт, а ӱмбакше кашка гыч ыштыме вӱдӱдырым (русалкым) вераҥденыт.