Марий Элысе Калык фронтын активистше-влак ийготыш шудымо йоча-влакын илышыштлан да тазалыкыштлан лӱдыкшым лукшо, чоҥен пытарыдыме але кудалтен кодымо зданий-влак реестрым ыштат.
«Чоҥен пытарыдыме да кудалтен кодымо зданийлаш йоча-влак шеҥын кошташ йӧратат. Тиде проблеме нерген республикым вуйлатыше дене вашлиймаш годым кок ий ончыч кутыренна. Тылеч вара Йошкар-Оласе Черняков уремыште да Революций площадьыште шуко пачеран пӧрт-влакым чоҥен пытарыме. Шукерте огыл йочан колымыжо тиде темым эше ик гана нӧлталаш амалым пуэн», – каласыш Калык фронт рӱдерын олам тӱзатыме пашан координаторжо Валентин Севастьянов.
Общественник-влак Йошкар-Оласе прокуратурын пашаеҥже-влак дене пырля тыгай объект-влакым тергаш да ийготыш шудымо йоча-влакын илышыштым аралыме шотышто законодательстве пудыртымашым кораҥдаш тӱҥалыт.
Тыгай объект-влак нерген паледа гын, фотом ыштен, 12region@onf.ru электрон почтыш колтыза.