Морко посёлкысо 1-ше №-ан кыдалаш школышто марий йылмым ятыр ий туныктышо С.В.Никитина 30 январьыште 60 ияш лӱмгечыжым пайремла.
2020-2021 тунемме ийыште Софья Васильевнан вуйлатыме классше гыч шым йоча школым шӧртньӧ медаль дене тунем пытарен. Кызыт нуно тӱрлӧ кундемыште шинчымашым погат. Кумытынжо военный вузлашке (коктын Санкт-Петербургыш да иктыже Калининградыш) тунемаш пуреныт. Тыгак Нижний Новгородысо, рӱдоласе вузлаште специальностьым налыт.
Софья Васильевна дене марий йылмын кӱлешлыкше нерген ятыр мутланышна. Тудо, шуко йылмым палымаш военныйланат, моло корно дене кайышыланат кӱлеш манын, раш умылтарен мошта.
УМБАКЫЖЕ — «Кугарня» газзетыште.