Коронавирус шарлен кертме лӱдыкшӧ улмылан кӧра республикыштына чыла тӱшка мероприятийым эртараш чарыме.
Йошкар-Олаште Пеледыш пайрем, Сабантуй, Курыкмарий кундемыште «Пеледыш айо» июньышто огыт лий. Моркышто эртаралтше «Сÿан пайрем» регион-влак кокласе сӱан йӱла VI фестиваль-конкурсым 28 августышко кусареныт. «Какшан сер ӱмбалне» авторский муро III фестиваль тений огеш лий.