Элым аралыше-влакын кечышт вашеш А.Евстифеев пайрем шотышто совещанийым эртарен да республикысе кажне район ден олалаште пайрем лийшаш манын каласен.
Тиде кечын Йошкар-Олаште Кугу Отечественный сарлан пӧлеклалтше мемориал воктеке Правительстве председательын алмаштышыже Степан Воронцов пеледыш аршашым пышта да Йошкар-Оласе ракетный дивизийысе военнослужащий-влакым саламла.
Тыгак 23 февральыште Марий Элысе спорт сооруженийлаш 14-25 ияш рвезе-влак оксам тӱлыде пурен кертыт. Тыгодым паспортым але военный билетым ончыктышаш улыт.
Марий Эл Республикысе Правительствын сайтше гыч налме фото.