Йошкар-Оласе «Марий Эл Арена» манежыште тэг-регби дене спорт фестиваль лийын. Тушко 6 — 18 ияш марте участник-шамыч ушненыт.
Нуно команде дене пашам ыштен моштымыштым, мастарлыкыштым ончыктеныт, тэг-регби модмашын правилже дене сайынрак да икте-весе дене лишкырак палыме лийыныт. Ты фестиваль тӱҥалше спортсмен-влаклан поснак пайдале. Вет нӧргӧ ӱдыр-рвезе-шамычлан фестиваль кугу спортыш икымше ошкылым ышташ сай йӧным ыштен.
Палемдыман, ты мероприятий «Вызов первых» проект почеш илышыш шыҥдаралтеш. Идалык мучко ятыр мероприятий, еш фестиваль, таҥасымаш, тренировко-влак эртаралтшаш улыт.