Март кыдалне Оршанкысе И.К.Глушков лӱмеш шуко профилян колледжыште тунемше студент-влаклан семинар шотан вашлиймаш лийын. Тушко Медведево районысо школ вуйлатыше-влак миеныт, пашаш пурымо, профориентаций нерген кутыреныт.
Семинарыш толшо школ директор-влак колледжысе илыш, тушто специалист-влакым кузе ямдылыме нерген пален налыныт, икмыняр компетенций почеш шукталтше материально-технический площадкым ончен лектыныт.
Пашам пуышо-влак самырык специалистмытлан туныктышо-шамыч ден могай йодмаш улмо, критерий, паша условий нерген каласкаленыт.