Пайдале вашлиймаш

 

28 ноябрьыште Йошкар-Оласе бизнес колледжыште поро пашам ыштыше «Оберег» отрядын черетан занятийже-влак эртеныт. Ты отряд Марий Элым Вуйлатышын грантшым «Популяризация и развитие добровольчества» номинацийыште сеҥен.

Студент доброволец-влак занятий годым азапыш логалше еҥлан икымше полышым пуымо да эвакуироватлыме шотышто мастер-классым ончыктеныт. «Юные спасатели» викториным эртареныт да чрезвычайный ситуацийыш логалме годым ушым йомдараш огыл манын, квест-модмаш гоч тудым сеҥен лекташ тунемыныт.