Марий Элысе образований да науко министр Л.Ревуцкая Йошкар-Оласе 7-ше номеран школын 8-ше классыштыже «Разговоры о важном» урокым эртарен.
Тушто тудо кундемыштына образованийыште, тӱвыраште, спортышто лектышыже да ончыкыжым кушко шуын кертмыж нерген каласкален. Тыгак нацпроект-влакын илышыш шыҥдаралтмыштлан кӧра школым, йочасадым чоҥымо да олмыктымо нерген ойлен. Школлаште материально-технический базым уэмдыме, талантан йоча-шамычлан тӱрлӧ вере шуаралташ йӧным ыштыме, выпускник-влаклан элнан да Марий Элын ончыл предприятийлаштыже сай паша вер улмо нерген радамлен.