Йошкар-Олаште Мер полышым пуымо штабыште методический практикум эртаралтын. Тушко школ директорын воспитаний паша шотышто советникше-влак да муниципальный координатор-шамыч погыненыт.
Мероприятий годым «Молодежь и дети» нацпроектым илышыш шыҥдарыме нерген ойленыт. Вет «Педагоги и наставники» «Россия – страна возможностей», «Мы вместе» федеральный проект-влак почеш пашам ыштыме годым лач советник-шамыч ик эн тӱҥ сомылым шуктат.
«Родетцентр» ресурсный рӱдерын специалистше-влак событий шотышто медиатекым ыштыме нерген каласкаленыт, тыгак аналитический да кадровый документацийым ямдылыме дене палдареныт. Тунемше-шамычым «Орлята России» программыш да тӱрлӧ конкурсыш кондыштарыме нергенат йодышлам тарватеныт.
Марий Элысе Образований да науко министерствын сайтше гыч налме фото.