Российыште национальный технологический олимпиадын у тургымжо тӱҥалеш.
Тушко 5-11-ше класслаште тунемше да вузлаште шинчымашым налше студент-влакым ушнаш ӱжыт. Олимпиадын сайтышкыже йодмашым колтыман. 5-7-ше класслаште тунемше-влак 1 октябрь марте, 8-11-ше класслаште тунемше-влак 30 октябрь марте регистрацийым эртышаш улыт. Юниор трекын финал таҥасымашыже ноябрьыште лиеш, кугурак класслаште тунемше-влакын пытартыш турышт вес ий февральыште очный формат дене эртаралтеш.
Икымше отборочный этап 8-11-ше класслаште шинчымашым налше-влаклан 5 сентябрьыште, 5-7-ше класслаште тунемше-влаклан 18 сентябрьыште лийын, а студент-влаклан октябрьыште эртаралтеш. Участник-влак, сайтыш вераҥдыме тунемме материал дене пайдаланен, разработчик-влакын вебинарышкышт ушнен кертыт.
Олимпиадым Российысе Науко да кӱшыл образований министерстве «Россия – страна возможностей» организаций дене пырля да моло организацийын полшымыж дене эртара.
2015 ий гыч олимпиадыште Российын тӱрлӧ кундемже да йотэл гыч 500 000 утла тунемше ден студент шкеныштым тергеныт.
Тений 5-7-ше класслаште тунемше-влаклан куд технологический сфер, 8-11-ше класслаште тунемше ӱдыр-рвезе-влаклан 42 профиль, студент-шамычлан 10 направлений дене таҥасымаш-влак лийыт. Тунемше ден студент-влак искусственный интеллект, космический инженерий, «умный», ядерный энергетике, геномный редактирований, нано да нейротехнологий, робототехнике да моло направлений дене пашам ыштен ончен сеҥат. Участник-влак туризм, логистике да экологий дене кылдалтше бизнес-процессым разрабатыватлат да автоматизироватлат, искусственный интеллект системым нунылан туныктат, ИТ-технологийым медициныште кучылтыт да моло пашам шуктат.
8-11-ше класслаште сеҥышыш лекше-влак Российысе эн сай вузыш экзамен деч посна але ЕГЭ-н 100 баллже дене пурен кертыт.