- Эҥыриме нӱшкемын гын, тудым кудалташ ида вашке. Шырпым удырымо коробкаште шумен писемдаш келшен толеш.
- Спиннингын вуйжо катлен гын, тюльпаным ырыктен, эркын кораҥдыза. Вара эҥырвара мучашыш клейым йыгыза. Тюльпаным чиктыза да клейын кошкымыжым вучыза.
- Шокшо кечыште йыл ынже кошко манын, вӱд витыдыме кӱжгӧ куэмыш тудым мланде дене пырля пыштыза. Коклан вӱдым шавыза да юалге верыште кучыза.
- Колын кучен толмо деч вара опарыш кодын гын, тудым холодильникыште аралаш лиеш. Вес гана кайымыда годымат тудын дене пайдаланен кертыда.
- Эҥыриме рӱдаҥын гын, тудым икмыняр кечылан озанлык шовыныш кералза. Рӱдаҥдыш шкеак пыта.
- Кучымо кол ведраште наҥгайыме годым ынже лӱҥгалт манын, ведра покшеке 1,5 литран вӱд атым шындаш келшен толеш.
- Йӱдым колым кучаш йӧратеда гын, кучымо верым тыгай йӧн дене волгалтараш сай: понарь тулым вӱдан атыш виктарыза. Тыге лийме кумдыкыштыда волгыдо лиеш.