Пайдале книга

Мы станем звёздами

Елена Усачёван «Мы станем звёздами» романыштыже 13 ияш Марина нерген ойлалтеш. Ӱдыр пырля тунемше ӱдыр-рвезе-влак коклаште ойыртемалташ шона, икманаш «популярный» лийнеже. Тудо мотор, но койышыжо да кумылжо дене шагал ӱдыр-рвезылан келша. Туныктышо-влакын шонымашышт почеш, Марина – шып да тыматле койышан ӱдыр. Шып подросткын чоныштыжо мо ышталтме, нигӧлан оҥай огыл. Келшыше йӧн дене пайдаланен, ӱдыр соцсетьын шӱдыржӧ лияш кумылаҥеш. Тудлан тиде кӱлеш але уке?