«Чучело»
Йоча-влаклан возышо В.К.Железняковын «Чучело» повестьше 1981 ийыште ош тӱням ужын. Тушто кудымшо классыште тунемше Лена Бессольцева нерген ойлалтеш. Ӱдырым пырля тунемшыже-влак тӱрлӧ семын игылтыт да тудым «Чучело» манын лӱмдат. Ленан неле илыш ситуацийыш логалмыже, тудым сеҥен, ончыко кайымыже йырым-йыр улшо еҥ-влакым ӧрыктара. Тудын ты койышыжо моло-влакым чон-моторлыкым ужаш да шижаш, нелым сеҥаш, порылыкым ончыкташ туныкта.