Свежа кавунышто Т витамин уло, тудо метаболизмым саемда, вӱр ышталтме годымат кӱлешан. Капкылыште уто нелыт деч утлаш, чогашылым пеҥгыдемдаш, пагарын да шолоран пашаштым саемдаш, организмым тонусышто кучаш, стресс деч утлаш шонышо-шамычлан тиде витамин моткоч кӱлешан. Свежа кавун утларак пайдале, тыгай саска гыч ямдылыме коктейль иммунитетым пеҥгыдемдаш полша.
Кечыгут пел кило наре свежа кавуным кочкаш лиеш, кӱктымым – кок кило деч шуко огыл.
Свежа кавун гыч коктейльым ямдылаш икмыняр рецептым темлена.
Кешыр дене. Шолдыра тёрко гоч колтымо 100 г кешырым, тыгыдын пӱчкедыме 150 г кавуным (шӱмжӧ да кӧргыж деч эрыктыман) да ик стакан йогуртым блендерыш пыштен тыгыдемдыза. Коктейльыш мӱйым, корицым але куркумам ешараш лиеш.
Апельсин дене. Кӱлыт: 200 г кавун, 1 кугу апельсин, кок финик, кок курага, корице. Кавуным шӱмжӧ да кӧргыж деч эрыктыза, тыгыдын пӱчкедыза. Апельсиным шӱмжӧ деч эрыктыза да тыгыдемдыза, финик ден курагам тыгыде кубик семын пӱчкедыза. Блендер дене чыла тыгыдемдыза да корицым ешарыза.
Имбирь дене. Кӱлыт: 200 г кавун, 50 г имбирь, 30 г миндаль, 1 изи совла мӱй, корице. Шӱмжӧ да кӧргыж деч эрыктыме кавуным, бананым пӱчкедыза, моло ингредиентым тушко ешарыза да блендер гоч колтыза.
Имбирян коктейль капкылысе уто нелыт деч утлаш шонышо-шамычлан пайдале, а эрдене организмым помыжалташ апельсин коктейль полша.
https://www.freepik.com/ сайт гыч налме фото.