«Лесная сказка» тазалыкым пеҥгыдемдыме комплексыште «Движение Первых. Время первых! Благо Твори!» профильный смене эртаралтеш.
Тений тушто Марий Эл гыч веле огыл, Запорожский областьысе Куйбышевский район гычат 58 ӱдыр-рвезе кана.
Йоча-шамыч тӱрлӧ мероприятийыште: спорт таҥасымашлаште, усталык мастерскойлаште, экскурсийлаште да молыштат – участвоватлат.
Программын ик эн тӱҥ ужашыже – Россий Президент Владимир Путинын кӱштымыж почеш илышыш пуртымо «Без срока давности» научно-просветительский проект. Ӱдыр-рвезе-шамыч кумдан палыме историк, мер пашаеҥ, военнослужащий ден лӱдыкшыдымылык органын ветеранже-влак дене вашлийыныт. Нунылан «Марий Эл» ГТРК-н ямдылыме «Стойкий. Прыжок за линию фронта» документальный фильмым ончыктеныт, «Они сражались за Родину» Сеҥымашлан 80 ий темме лӱмеш савыктыме книга дене палдареныт.
Фото: Йоча-влак каненыт веле огыл, шуко ум пален налыныт.
Марий Элысе Образований да науко министерствын ВК-се тӱшкаж гыч налме фото.