3-7 октябрьыште Москошто класс вуйлатыше-влакын форумышт эртаралтеш.
Тушко кажне регион гыч 3000 туныктышо ден куратор погыненыт. Марий Эл гыч 12 туныктышо тушко каен. Форум кок смене дене лиеш.
Нуно кызытсе жапысе образованийын тӱҥ проблемыжым каҥашат, икте-весе деч опытым налыт, профессионально кушкаш манын, у шинчымаш дене пойдаралтыт. Тушто профильный эксперт, политик, мер пашаеҥ да ятыр палыме еҥ дене вашлийыт.
5 октябрьыште Туныктышын кечыже лӱмеш Кугыжаныш Кремль полатыште концерт ончыкталтын.