19 ноябрьыште Йошкар-Оласе Самырык-влакын полатыштышт социальный театр-шамычын «Равный – равному» IV фестивальышт лийын.
Кок тӱрлӧ ийготлан келыштаралтше 12 команде кокла гыч икымше верым Оршанке посёлкысо И.К.Глушков лӱмеш шуко профилян колледжын «Импровиз» командыже сеҥен. Кокымшо верыш Йошкар-Оласе Йоча усталык рӱдерын «Союзники» командыже лектын, кумшо верыште – Медведевысе Автодорожный техникумын «Социальный театр АДТ» командыже. «Драматургий» номинацийыште Йошкар-Оласе 17-ше №-ан школын «Формула-17» командыже палемдалтын. «Сценографий» номинацийыште Индустрий да предпринимательстве колледжын «Добрые люди» командыже сеҥен. «Актёр мастарлык» номинацийыште Кужэҥер тӱҥ школын «Юные таланты» командыже ойыртемалтын.
«Молодёжь в Марий Эл» VK-се тӱшка гыч налме фото.