17 октябрьыште кундемыштына IT-технологийын арняже тӱҥалын. Тудо кундемыштына ты сферыште сай специалист-влакым ямдылыме амал дене ышталтеш.
Ты арняште IT-технологий дене кылдалтше тӱрлӧ меропрятийым эртарат. Мутлан, тунемше-влак робототехние, квадрокоптер дене пайдаланен моштымыштым ончыктат. Самырык-влак цифровой йӧн дене кузе чын пайдаланаш лийме шотышто мастер-классым эртарат, Роскомнадзорын пашаеҥже-влак интернетыште икте-весе коклаште кылым кузе чын чоҥаш туныктат.