Пӧртым шукырак чоҥеныт

Маристат палдара

Республикыште чыла финансирований кӱшеш тений январьыште 548 пачерым (53,6 тӱжем кв.м) чоҥымо. Тидыже ӱмашсе январь дене таҥастарымаште 39,8 процентлан шагалрак.

Кундемыштына илыше еҥ-влак тений январьыште 247 пӧртым (35,1 тӱжем кв.м) чоҥеныт. Тидыже ӱмашсе январь деч 43,6 процентлан шукырак.

Сад-пакча пашам шукташ ойырымо мланде участкыште 33 илыме пӧртым (3040 кв.м) нӧлтымӧ, утларакше – Медведево районышто (25 пӧрт).

2024 ий январьыште чоҥымо пачер-влакын кокла кумдыкышт (тышке шке пӧртат пура) – 97,9 кв.м. Тыгодым еҥ-влак шке пӧртым кугурак кумдыканым – 142,0 кв.м – ыштат, а пачер-влак 61,6 кв.м кумдыкан улыт.

Фото https://www.freepik.com/ сайт гыч.