11 октябрьыште РФ Кугыжаныш Советын комиссийже видеоконференций режим дене заседанийым эртарен.
Тушто ЖКХ-м виктарыме системым саемдыме нерген ойленыт. Заседанийыш Марий Элым вуйлатыше А.Евстифееват ушнен.
Тений августышто Марий Эл Йошкар-Оласе К.Либхнет уремысе 100-шӧ №-ан шуко пачеран пӧртыштӧ капитальный ремонтым ышташ окса полышым йодын ыле.
Ты пашалан 4,9 млн теҥге кӱлеш. ЖКХ-м реформироватлаш полшышо фонд республиклан 3,9 млн теҥгем ойырен.
Аварийный пӧртла гыч еҥ-влакым вес вере илаш кусарыме шотышто программе почеш 2022-2023 ийлаште 63,74 кв. м илыме верла гыч 4125 еҥлан у илыме верым пуышаш улыт.
«Арнян вӱршерже» лаштыкым И.Александрова, В.Семёнов, Э.Терентьева ямдыленыт.
Моло уверым 15-ше октябрьыште лекше газетнан 42 № -ыште лудса.