Пӧрт мотор койжо манын, тӱрлӧ стильым кучылташ лиеш.
Дизайнер-влакын мутышт почеш, 2022 ийын тӱсшӧ – барвинок (тыгай пеледышат уло). Сандене тиде кандалге сирень сынанрак тӱс декорышто лийшаш. А тудо чаплын койжо манын, 2-3 тӱсым кучылтман.
Суртыш пурымаште але кудывечеш Йӱштӧ кочайын, Лумӱдырын, лумъеҥын але вес кугу фигуркым шогалташ, Рошто дене кылдалтше шартышым шараш лиеш. Саскан, пӱгыльман укш-влак моторын койыт, пӱртӱс дене кылдалтше наста путырак сӧрастара. Омсашке кож гыч ыштыме, а верандышке чӱчкен йӱлышӧ гирляндым вераҥдаш келша. Тыгак бархат дене ыштыме бант, идалыкын символжо, пӱгыльмӧ, тумлеге, оҥгыр, пиаллан имне таган шотлан толыт. Окна яндам, окнаянакым сӧрастарымаште волгыдо тӱсым да подсветкым кучылтса.