«Своё Село РCХБ» платформышто Марий Элыште илыше-влаклан пӧртым чоҥаш архитектур проект-влакым ойырен налаш сай йӧн лектын.
Россельхозбанкын почмо платформыштыжо регистрацийым эртыше компаний-влаклан шке проектыштым вераҥдаш лиеш.
У сервис дене пайдаланыше-влак, арихитектур проектым налын, документацийлан да чертёжлан эҥертен, шке вий дене але подрядчикын полшымыж дене у пӧртым тӱрлӧ регионышто чоҥен кертыт.
Проектым идалыкын жапше, чоҥымо материал, кумдык, пӧлемын чотшо да моло параметр дене келыштараш йӧн уло.
«Кажне проектын фотографийже уло. Тыге чоҥалтме у пӧртын тӱжвал тӱсшӧ ончылгоч раш коеш», — манеш Россельхозбанкын ипотекым налше Александр Смирнов.
Ончыктымо платформышто подрядчик-влак 1700 утла пӧрт, монча да гараж проектлам темлат.