Николай Сидоркин, У Торъял район, Овалже:
– Марий кундемна мотор пӱртӱсшӧ, поян чодыраже, ший вӱдан эҥер да ерлаж дене ойыртемалтеш. Мый республикнан ик мотор вершӧрыштыжӧ, ямле Немда кундемыште, илем. Пӱртӱсыштӧ, вӱд воктене чӱчкыдын лияш тыршем. Тидыже тазалыкым пеҥгыдемдымаште, кумылым нӧлтымаште моткоч сайын полша. Сандене шукырак жапым пӱртӱсыштӧ, вӱд воктене эртарыман.