Ӱмаште Марий Элыште 1500 утла йоча «Ёлочка, живи!» пӱртӱсым аралыме акцийыш ушнен.
Тудым 2023 ийыште декабрьыште увертарыме. Акцийын тӱҥ шонымашыже: У ий деч ончыч иман пушеҥгым закондымын руымо деч еҥ-шамычым аралаш, тунемше-влак коклаште усталык пашам вияҥдаш, нуным пӱртӱслан шӱмаҥдаш, чодыра поянлыкым шот дене кучылт мошташ туныкташ.
Йоча да ача-ава-влаклан интерактивный лекцийым пуымо, пӱртӱс материал дене поделкым ыштыктыме, сӱрет, фото конкурс-влакым увертарыме, викториным эртарыме. Тунемше-шамыч видеороликым войзеныт, пырдыжгазет ден плакатым ыштеныт, тӱрлӧ мастер-классым эртареныт да моло пашам шуктеныт.
Иктешлыме почеш, У Торъял район гыч эн шуко участник погынен.
Марий Эл Республикын пӱртӱс поянлык, экологий да йырвелым аралыме шотышто министерствын сайтше гыч налме фото-влак.