Регионын тӱрлӧ лукшо гыч «Движение Первых» толкынын участникше-влак «Единый день эковолонтёрства» экологий акцийыш ушненыт.
Акцийын организаторжо – Юлсер экологий рӱдерын первичный пӧлкаже.
* Курыкмарий район Эмӓн школын тунемшыже-влак туныктышышт дене пырля йоча площадкым да сарзе-влаклан пӧлеклалтше чапкӱм эрыктеныт.
* Юрино районысо Марьин школын тунемшыже-влак Ветлуга эҥер серыште шӱкым погеныт.
* Кужэҥер районысо школлаште тунемше-шамыч школ кумдыкым, стадионым, йоча площадкым шотыш конденыт.
* Юлсер экологический рӱдерын чолга ӱдыр-рвезыже-влак «Марий чодра» паркым эрыктеныт.
* Юлсер кундемысе Пӧтъял школын тунемшыже-влак скверыште, каныме верыште, йоча площадкыште шӱкшакым поген налыныт.
* Йошкар-Оласе 31-ше №-ан школын «Атмосфера» йоча ушемыш коштшо-влак Тазалык аллейысе кумдыкым шотыш конденыт.
* Козьмодемьянск оласе лицейысе «Экоша» кружокыш коштшо-шамыч куэрым эрыктеныт.
* Шернур районысо «У тукым» волонтёр отрядын воспитанникше-влак школ воктенысе кумдыкышто шӱкшакым поген налыныт, 10 пакет шӱкшак чумырген.
Тыге тӱшка вий дене самырык тукым пӱртӱслан кугу пайдам конден.
«Движение Первых» тӱшка гыч налме фото.