Башкортостан Республикысе Мишкан селаште 2023 ийыште шуко профилян полилингвальный марий школым почыт. Тиде амал дене Марий калык конгресс «Кугарня» газет редакций дене пырля акцийым увертара: марла сылнымут книгам, учебно-методический пособийым, справочный шотан материалым калык дечын погена.
Кӧн тыгай книгаже уло — Йошкар-Олашке, Печать пӧртыш (6-шо пачаш), але Марий Эл Радиош конден пуаш йодына. Тудым вара Мишканыш колтена. Полыш киддам шуялтыза! Телефон номер 89278880345.
Кызытеш редакцийыш кок еҥ книгам конден:
Зинаида Николаевна Ахметьянова (фотошто) Медведево район Юбилейный посёлко,
да Нина Аркадьевна Рыбакова, Йошкар-Ола.
