Икана ик журналыште лудынам, грецкий пӱкшын чоражым (перегородко) сакыр диабет, радикулит, йыжыҥ корштымо, пагар кужу жап витарыме, уш начарештме, вуй корштымо, мален кертдыме, нерве пуштыланыме, авагудо фибромиомо, мастопатий годым пайдале, тыгак зобым, йолтаганысе шпорым эмлаш полша. Тудым сухофруктым ужалыме кевытыште наледем.
Шемалге тӱсан янда атыш кок кугу совла пӱкш чорам пыштыман, ӱмбакыже, петыралтмешке, ош аракам темыман, кок арня шинчыктыман.
Настойкым кажне кечын кок кугу совла вӱдыш 5-6 чӱчалтышым чӱчыктен йӱман. Тыге кум арня гыч кум тылзе марте ышташ лиеш.
Мален кертдыме да нерве пуштыланыме годым настойкым 25-30 чӱчалтыш дене кечеш кум гана йӱман.
Йыжыҥ корштымо да радикулит годым корштышо верыш йыгыман.
И.Гурьев.
Татарстан.
© КУГАРНЯ 2018 - 2024