Ямал-Ненец АО-што Пӱчым ончышо-влакын пайремышт тӱҥалын. Тудо кок тылзе наре, 21 апрель марте, шуйна.
Пӱчым ончышын кечыже Ямалысе тӱрлӧ верыште лиеш. Иканаште огыл: Надымыште тӱҥалеш да Сеяхыште пыта, а нунын коклаште – Новый Уренгой, Салехард, Ноябрьск, Аксарка да молат. Пайремыш тыште илыше ден турист-влак ушнат. Нунылан шкешотан мероприятийлаште тӱп калыкын йӱлажым пален налаш сай йӧн ышталтын. Тӱрлӧ мастер-классым чумышто эртарат, пӱчым кычкен кудалыштыт, нарт гоч тӧрштылыт да моло оҥай таҥасымашат лиеда.