Чайникыште йошкын налын гын, тыге ыштен ончыза.
-
Пел литр вӱдыштӧ ик кугу совла содым шулыктарыза да тудым йошкынан чайникыш опталза, вара эше пел литр тыглай вӱдым ешарыза да шолташ шындыза. Ик-кок шагат шинчыктымеке, уэш шолтыза. Вара вӱдым кудалтыза да пундаште кодшо йошкыным губко дене эрыктен налза. Чайникыш яндар вӱдым темыза да уэш шолтыза.
-
Чайникыш ик-кок кугу совла лимон кислотам пыштыза, тушко 1 литр вӱдым темыза да шолташ шындыза. Чарымеке, ик-кок шагат шинчыктыза, вара вӱдшым кудалтыза, кодшо йошкыным ӱштын налза.