2021 ийысе ялозанлык микропереписьын ончылгоч ыштыме иктешлымашыже раш.
Российыште 2021 ий 1 августлан 32,9 тӱжем ялозанлык организаций ден 118,3 тӱжем кресаньык (фермер) озанлык да амалкалче-влак лийыныт. Нуно шагалемыныт, а кодшыжлан шукырак мланде дене пайдаланаш логалеш. 2016 ийысе ялозанлык перепись деч вара шорык ден каза деч посна моло вольык шукемын.
2016 ий годсек, сӧснам ашныше ик организацийлан шотлымаште, 2,3 пачаш шукырак ончаш тӱналме. А 2006 ий дене таҥастарымаште ты показатель 26 пачаш кушкын. 2016 ий гыч сӧсна 1,3 пачаш шукырак лийын. 2006 ий гыч кум пачаш лиеш.
Маристатын шотлымыж почеш, 2016 ий гыч Марий Элыште озанлык-влак 28,8 процентлан шагалемыныт, фермер да амалкалче-влак – 2,2 пачаш.
2021 ийыште ялозанлык предрпиятий шагалемын, тыгодымак ик предприятийын кокла кумдыкшо шукемын. Амалкалче ден фермер-влакын пасу кумдыкышт 2,3 пачаш ешаралтын. 2016 ий дене таҥастарымаште ялозанлык-влакын ӱдышаш пасушт 0,2 гектарлан шукырак.
Пытартыш вич ийыште вольык ден кайыквусым утларак ончаш тӱҥалме. Тӱкан шолдыра вольыкым – 11,6 процентлан шукырак, ушкалым – 1,6%-лан, сӧснам – 24,3%-лан.
Тичмаш уверым https://maristat.gks.ru/ сайтыште лудса.