Татарстан Республикыште, «КазаньЭкспо» рӱдерыште, 24-25 августышто Россий Общественный палатын «РОССИЯ: многобразие культур, единство граждан» форумжо эрта. Тушко Юл кундемысе федеральный округ гыч толшо-влак (тӱвыра да моло сферыште тыршыше-влак, коммерческий огыл организаций гыч, йӱла паша дене кылдалтше еҥ-влак) погыненыт. Донецк да Луганск калык республикыла гычат улыт. Кызыт пленарный заседаний эрта, форумын участникше-влакым Татарстанын президентше Рустам Минниханов саламлен.
Марий Эл гыч форумышто республикысе Общественный палатын председательже Герман Дементьев, Марий калык конгрессын председательже Эдуард Иманаев да молат участвоватлат.